A delegación da zona sur da Asociación Provincial de Empresarios de Hostalería e Turismo de Lugo (Apehl) coa colaboración do concello de Monforte, celebra este venres 13 de novembro unha nova edición do Saborea e Canta o Outono na Praza de Abastos de Monforte de Lemos.

A xornada, que dará comezo ás 20:30 horas e se prolongará ata as 00:30 horas, reunirá propostas gastronómicas dos establecementos Capitol, El Muli, Oasis e ONYX, viños das adegas Galanteiro e Os Cipreses, pertencentes á DO Ribeira Sacra, así como do Centro do Viño da Ribeira Sacra de Monforte.