Agroma Sober lamenta o pouco tempo para estudar o orzamento e apuntan que, por impostos directos estímase unha recaudación de 1.043.000 €, o 36,8% da recadación, porque, segundo Agroma Sober, neste exercicio se contempla a percepción dos atrasos correspondentes aos procedementos de regularización catastral levados a cabo no Concello e que producirán efectos recadatorios no 2019.
Con estes datos, Agroma Sober considera que se podería ter rebaixado o IBI este ano, como prometera o Goberno local no 2015. Neste momento, o tipo impositivo está en 0,52% nos inmobles urbanos e 0,48% nos rústicos. Apunta Agroma Sober, “O Goberno local afirmou valorar poñer o urbano en 0,50, pero non temos noticias sobre a rebaixa, por iso inicialmente votamos en contra e terminamos absténdodonos, a cambio do compromiso de que se estude a rebaixa do IBI este ano”.
Agroma Sober agradece a consignación de 19.000 euros para escavacións arqueolóxicas en Proendos, pero agardan que se produzan avances reais. Tamén aplauden que se orzamente o saneamento de Neiras e piden que se reparen os camiños de Francos de Doade, deteriorados trala instalación do saneamento.
Cren desde Agroma Sober que se deberían destinar máis fondos á Escola de Teatro e á Banda de Música de Sober e que o reparto de fondos para festas e asociacións debería ser máis igualitario.
A este respecto solicitaron habilitar unha partida específica de fondos para Asociacións municipais e que o Concello convoque subvencións locais en réxime de concorrencia competitiva. Propuxeron tamén orientar os fondos destinados á ludoteca Soberlandia (19.000 € do Concello + 19.000 € do Plan Leader) a un Plan de conservación do Patrimonio inmaterial, con implicación dos nenos e nenas do concello.
