José Manuel Blanco asegura que o ferrocarril debe ser útil para Monforte, e “servir para devolver a esta cidade o esplendor que tivo noutra época”. Segundo o candidado de Ciudadanos, os monfortinos non viron máis que promesas incumpridas co ferrocarril “Prometeron o corredor atlántico do que aínda non se fixo nada, un porto seco cheo das cargas dos portos de Vigo e A Coruña que está baleiro e un tren de calidade que non chega. Non se aproveita a enorme potencialidade que ten Monforte, si o porto seco estivese nas condicións óptimas poderíanse crear moitos postos de traballo”, opinou.

José Manuel Banco asegura que se sae elexido se compromete a saldar a débeda con Monforte “Monforte era o punto de chegada do ferrocarril mais importante de Galicia e agora olvidáronse dela, a chegada do Ave a Lugo cada vez alonxáse mais, e non temos confianza en si finalmente o corredor atlántico pasará pola cidade”.

Blanco tamén aproveitou seu paso por Monforte para visitar aos afiliados de Monforte e de Sarria e para reunirse co colectivo Amarcan.