O mércores ás 23:15 horas da noite, a Garda Civil detivo en Sarria a tres veciños de Ourense, identificados como I.B.R e A.S.B., ambos de 32 anos e N.S.B. de 25, como presuntos autores dun delito de roubo con forza.

Segundo puido saber este xornal, os presuntos autores atopábanse no interior dun establecemento hostaleiro sen autorización do seu propietario e foron detidos cando abandonaban o edificio. Os arrestados foron postos a disposición xudicial.