Encargarase dos concertos, o Grupo lucense Lucus Ensemble, un dos principais referentes da música de cámara da provincia. Este grupo está formado por trece compoñentes (once instrumentistas e dous vocalistas). Os instrumentos que se cederán por parte da Deputación para estes concertos son: unha zanfona medieval, unha viola de tres cordas, un salterio e unha Giga. Algúns deles creáronse no Obradoiro de instrumentos musicais do CENTRAD que impulsou a Deputación na pasada anualidade.

A exposición temporal, que estará aberta ata o 25 de agosto na capela de Santa María, recolle unha boa parte da colección máis importante en Europa de instrumentos de corda medievais dos séculos XII e XIII. Entre as pezas destacan un organistrum, unha zanfona e violas.

As pezas fan unha viaxe tanto polo patrimonio musical galego, como polo doutras culturas. Recóllense instrumentos mecánicos, obxectos e xoguetes sonoros, indumentaria tradicional,…

O Goberno da Deputación é pioneiro na recuperación de instrumentos medievais, grazas ao traballo coordinado entre artesáns, organólogos, historiadores de arte e músicos que se ven desenvolvendo no Obradoiro Instrumentos musicais dende fai anos.