As clases de todos os centros educativos de Galicia quedan suspendidas a partir do vindeiro luns, 16 de marzo, e durante os seguintes catorce días ante a crise do coronavirus.

Esta medida foi acordada polo Consello da Xunta nunha reunión mantida este xoves co obxectivo de conter a propagación da enfermidade e “minimizar” o seu impacto.

O presidente da Xunta de Galicia, Alberto Núñez Feijóo, deixou aberta a opción de que o alumnado non acuda tampouco mañá ás aulas, “se é posible”.

OS CENTROS DE MAIORES

Ademais, a Xunta decretou o peche dos centros comunitarios dende este venres e acordou medidas para o funcionariado, cun protocolo que recolle a promoción do teletraballo, a flexibilidade horaria e a reorganización de quendas laborais.

Podes ler máis información no Lugo Xornal.