O Sergas leva anos sen cubrir as prazas médicas en época estival sexa cal sexa a especialidade por mor das vacacións estivais. Os recortes en sanidade son a causa máis directa deste feito.

Dende a CIG-Saúde Monforte denuncian que desta volta será a especialidade de odontoloxía a que quede sen especialistas que cubran as vacacións nos diferentes centros do sur lucense. Isto supón que, cando un doente teña cita co odontólogo no verán o e o que se lle corresponde por área sanitaria esté de vacacións, o usuario terá que desprazarse a onde lle ordenen no seu centro de saúde se quere seguir co tratamento pola vía pública. Este feito provoca que usuarios como os do centro de saúde de Caraballedo, teñan que desprazarse ata 40 quilómetros das súas casas para ser atendidos en Monforte porque o seu odontólogo en Chantada está de descanso.

Por todo isto, dende CIG-Saúde demanda a cobertura dos odontólogos de atención primaria e a dos demais profesionais nas súas ausencias.