HomesociedadeA provincia rexistra catro casos menos de COVID-19 e mantén un paciente...

A provincia rexistra catro casos menos de COVID-19 e mantén un paciente en UCI

O conxunto de Galicia mantén 740 persoas infectadas.

Publicado o

- Advertisement -

A Consellería de Sanidade informa que a área sanitaria de Lugo rexistra este sábado, 30 de maio, un total de 44 casos activos de coronavirus, o que supón un novo descenso con respecto á xornada deste venres, cando Lugo sumaba 49 casos. Ademais, a Unidade de Coidados Intensivos do HULA atende unicamente un paciente con COVID-19, igual ca onte.

O reconto oficial fala de dúas persoas en hospitalización no HULA e 41 persoas no domicilio. No histórico da provincia, o Sergas sinala que xa se recuperaron 877 persoas que pasaron a doenza. Non hai novidades no número de vítimas mortais (27), que se mantén invariable dende hai máis de tres semanas.

DATOS EN GALICIA

No conxunto de Galicia, o número de casos activos de coronavirus COVID-19 descendeu a 749, o que supón 23 menos que este venres, mentres que os pacientes curados aumentaron a 9.936, o que implica 40 máis que a xornada pasada.

Así o constatan os datos actualizados este sábado pola Cosellería de Sanidade, que tamén precisan o descenso de número de pacientes ingresados na UCI ata os 3, mentres que 36 seguen noutras unidades de hospitalización e 710 en seguimento domiciliario.

As vítimas mortais mantéñense en 615, os mesmos que se contabilizaban o xoves. Nesta xornada, Sanidade tamén informou do total de PCR realizadas ata a data, 141.331 en toda Galicia, 1.106 máis que o venres, cando se contabilizaban 140.225.

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...