InicioMedio ambiente e PatrimonioA fotografía para promocionar a viticultura da Ribeira Sacra

A fotografía para promocionar a viticultura da Ribeira Sacra

A Asociación Manuel Jorge de Chantada organiza o II Concurso Fotográfico Christina Snelman que repartirá 3.000 euros en premios e que se abre a todo o territorio da Ribeira Sacra cunha categoría específica para centros de ensino.

Publicado o

- Advertisement -

Esta segunda edición do concurso leva por título “Viña Sacra” e faise coincidindo co comezo da vendima na Ribeira Sacra e co obxectivo de amosar o mundo da viticultura no territorio ribeirao facendo fincapé no cultivo e na elaboración do viño, desde unha perspectiva cultural, paisaxística e etnográfica​.

O concurso ten unha categoría xeral aberta a participantes maiores de 16 anos e, como novidade incorporan unha ​sección para centros educativos​. Con isto, a Asociación pretende impulsar a creación artística e visual entre os máis novos, poñendo en valor o seu territorio.

As fotografía deben ser do territorio da D.O. Ribeira Sacra, tanto da provincia de Lugo como de Ourense, e con cada fotografía debe incluirse a xeolocalización de onde foi tomada a imaxe. O  14 de xaneiro​ remata o prazo para a presentación das fotogafías.

Establécense os seguintes premios:

CATEGORÍA XERAL

  • 1o Premio: 1.000,00 €
  • 2o Premio: 400,00 €
  • Accésit I : 100,00 €
  • Accésit II : 100,00 €

CATEGORÍA ESCOLAR

  • Premio ó mellor Centro de Secundaria (CPI, IES ou FP): 600,00 €
  • Premio ó mellor Centro de Primaria (CPI e CEIP): 600,00 €
  • Accésit Centro Secundaria : 100,00 €
  • Accésit Centro primaria : 100,00 €

Os premios entregaranse na inauguración da ​exposición coas fotografías seleccionadas​, que tratará de coincidir coa Feira do Viño de Chantada, para darlle proxección ás obras presentadas. Esa exposición irá despois a outros espazos expositivos, como sucedeu con «Pedra Sacra» que foi exposta en Chantada, Carballedo e Taboada e na actualidade, forma parte da retrospectiva sobre Manuel Jorge que está no Museo Provincial de Lugo.

As imaxes enviaranse a airoa55@gmail.com, manueljorgechantada@gmail.com

Para máis información: Mercedes Vázquez (Pta. AMJCh) 658 974 263 Cristina de la Torre (Prensa) 637 55 89 79

ÚLTIMAS

Pablo Álvarez, con raíces en Sober, está na Antártida co Exército de Terra

Pablo Álvarez, que actualmente reside en Zaragoza por motivos laborais, estivo toda a súa...

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...