HomeMedio ambiente e PatrimonioProhibidas as queimas por mor das altas temperaturas

Prohibidas as queimas por mor das altas temperaturas

A partir deste sábado 24 de xuño os particulares non poderán queimar restos agrícolas nin forestais. Só se permitirán aquelas que realicen os servizos de prevención debidamente planificadas e dispoñendo de medios para a súa extinción.

Publicado o

POR
Redacción
- Advertisement -

As altas temperaturas que trae o San Xoán fixeron adiantar a prohibición de queimas de restos agrícolas e forestais realizadas por particulares en Galicia co cal non se darán máis permisos e os concedidos quedarán en suspenso. A medida aplicarase a partir deste 24 de xuño, quedando excluídas desta prohibición as queimas controladas que executa o Servizo de prevención e defensa contra os incendios forestais debidamente planificadas e dispoñendo dos medios de extinción precisos.

Cómpre lembrar que o Decreto 105/2006, polo que se regulan medidas relativas á prevención de incendios forestais, á protección dos asentamentos no medio rural e á regulación de aproveitamentos e repoboacións forestais, prohibe as queimas cando as condicións meteorolóxicas poidan dificultar o seu control.

A Consellería do Medio Rural pide colaboración da cidadanía para que extreme as precaucións e denuncie calquera actividade delituosa incendiaria da que teña coñecemento, dado que desde este sábado e ata novo aviso non está permitido o uso do lume para ningunha actividade agrícola e forestal para particulares; e recorda tamén que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.

ÚLTIMAS

O 19 de xullo comeza o servizo de lanzadeiras na Ribeira Sacra cunha nova ruta desde Chantada

O servizo de lanzadeiras que pon en marcha o Consorcio de Turismo da Ribeira...

Promoción de produtos agroalimentarios de calidade en Bóveda

A XXI edición da Feira Outrora, en Rubián, contou este ano coa presenza da...

A Xunta Local de Seguridade de Chantada coordina o dispositivo da Subida a Chantada e das Patronais

A 51ª edición desta proba automobilística celebrarase os días 25, 26 e 27 de...

Sarria celebra desde este 14 de xullo ata o día 20 a IV edición do Ultreia e Suseia

Sarria acolle desde este luns e ata o 20 de xullo unha nova edición...