Iniciosociedade5 obradoiros de emprego no sur da provincia permitirán contratar a 120...

5 obradoiros de emprego no sur da provincia permitirán contratar a 120 persoas

A Xunta financiará con 1,4 millóns de euros os 5 obradoiros de emprego que beneficiarán a 14 concellos.

Publicado o

- Advertisement -

Os obradoiros de emprego que se porán en marcha son:

  • Acondicionamento das instalacións da Escola Obradoiro da Pinguela en Monforte para operacións auxiliares de revestimentos continuos en construción e albanelaría.
  • Sillor V nos concellos de Ribas de Sil, Folgoso do Courel e Quiroga para operacións auxiliares de revestimentos continuos en construción e operacións auxiliares de albanelaría, fábricas e cubertas.
  • Serra do Faro V nos concellos de Chantada e Carballedo para pavimentos e albanelaría de urbanización, actividades auxiliares en viveiros e xardíns e actividades auxiliares en conservación e mellora de montes.
  • Baliño2 nos concellos de Pantón, O Saviñao e Sober para montaxe e instalación de construcións de madeira e para atención sociosanitaria a persoas dependentes en institucións sociais.
  • Ulla-Miño V nos concellos de Antas de Ulla, Palas de Rei, Monterroso, Taboada e Portomarín para fábricas de albanelaría e instalacións e mantemento de xardíns e zonas verdes.

A posta en marcha destes obradoiros de emprego permitirá a contratación de 120 persoas, das que un cento serán alumnos e 20 persoal de dirección, monitores e persoal administrativo.

Todos os obradoiros ofertaranse na modalidade dual. Os participantes poderán combinar un contrato de formación e aprendizaxe durante nove meses cun contrato adicional de polo menos tres meses máis, nunha empresa emprazada no mesmo territorio e cunha actividade vinculada á fomación recibida no obradoiro. Polo tanto os beneficiarios disporán dun contrato de traballo e percibirán un salario mentres participan do obradoiro.

O delegado territorial da Xunta en Lugo, José Manuel Balseiro, informou de que neste ano, a totalidade dos programas de fomento da empregabilidade financiados pola Consellería de Economía, Emprego e Industria permitiron a contratación de case 1000 persoas na provincia de Lugo.

ÚLTIMAS

“Outlet de Inverno” en Sarria, os día 1 e 2 de marzo

Durante eses días, preto dunha trintena de establecementos de ACES participarán nunha campaña de...

Cales son as prioridades do orzamento do novo goberno para Quiroga?

No caso do servizo municipal de auga, co inicio das choivas de outono a...

Máis de 200 persoas inscritas para a carreira Xacorun Sarria que se celebra o 3 de marzo

A Xunta apoia un ano máis a iniciativa Xacorun, unha carreira entre Sarria, Paradela...

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...