O ‘Carballedo máis pantonés’

O colectivo Segredos de Pantón organiza unha actividade divulgativa para o vindeiro 20 de agosto.

Restos da Eléctrica de Pantón. Foto: Flora Enríquez

A asociación cultural “Segredos de Pantón” organiza unha actividade conxuntamente coa asociación de veciños O Bubaíño de Castro, en terras de Carballedo, o vindeiro 20 de agosto.

Trátase dunha visita cultural que ten como obxectivo coñecer algo máis este municipio veciño e mesmo lugares compartidos entre os concellos de Carballedo e de Pantón. Hai 30 prazas dispoñibles, o prezo para anotarse é de 2 euros e a saída será ás 10:00 h. nun lugar por concretar.

Os lugares que se visitarán son os seguintes:

A aldea de Paradela, lugar que ten ao seu carón o antigo emprazamento da Eléctrica de Pantón.

-A igrexa románica de Santo Estevo de Chouzán

-A Grixoá.

-A igrexa románica de San Xoán da Cova.

PARA ANOTARSE

– Por teléfono ou WhatsApp, ao telf. 662-669-223 (Pte da asociación Segredos de Pantón, Lucas Vázquez).

– Por Facebook ou Instagram.

– Por correo electrónico: segredosdepanton@gmail.com.

DEIXAR UN COMENTARIO

Please enter your comment!
Please enter your name here