Axentes da Garda Civil, voluntariado de Protección Civil e veciñanza buscan desde este luns un home de 79 anos desaparecido na localidade de Carballedo.

Segundo trasladou o 112 Galicia, a central de emerxencias recibiu o aviso de que este home non regresara ao seu domicilio ao mediodía deste luns.

Nestes momentos, a Garda Civil, que coordina o operativo, continúa a procura deste home en colaboración con voluntariado de Protección Civil e veciñanza.

O operativo céntrase na parroquia de Veascós e, en concreto, no lugar da Raña, onde ten a súa vivenda o desaparecido que, segundo fontes do Concello consultadas por Europa Press, padece demencia.