A estrada provincial LU-P-1010, que vai cara á presa dos Peares no termo municipal de Carballedo, permanece cortada ao tráfico desde a tarde deste martes tras un desprendemento.

Segundo informa a Deputación de Lugo, trátase da vía que conecta A Touza coa Granxa. A zona sufriu un corremento de terra debido ás fortes choivas dos últimos días.

A institución provincial xa sinalizou o corte da estrada, que da servizo á presa, e está previsto que este mércores arrinquen os traballos para despexar o paso á altura do quilómetro 3,500.

Unha vez conclúan estas actuacións, realizarase a valoración económica e técnica dos danos causados.