InicioSucesosRescatan un pescador en apuros no encoro de Belesar

Rescatan un pescador en apuros no encoro de Belesar

O home foi pescar e cando quixo saír viuse incapaz de facelo debido ás fortes correntes e a crecida do caudal do río.

Publicado o

- Advertisement -

Os servizos de emerxencias rescataron un pescador que se atopaba en apertos nunha zona próxima ao río Miño, no encoro de Belesar, en Chantada.

O home foi pescar e cando quixo saír viuse incapaz de facelo debido ás fortes correntes e a crecida do caudal do río, polo que sobre as 21,00 horas da pasada xornada alertou a un amigo seu, que foi quen pasou o aviso ao 112 Galicia.

En concreto, cando os equipos de intervención acudiron a lugar o home estaba fóra da auga, debaixo da Ponte Nova, nunha zona de difícil acceso. Para sacalo de alí tiveron que usar cordas e arneses que facilitasen a súa saída dunha “rexión vertical do encoro”.

Desde o Centro Integrado de Atención ás Emerxencias (CIAE) 112 Galicia, púxose en marcha un operativo que contou coa intervención de Urxencias Sanitarias de Galicia-061, dos Bombeiros de Chantada e dos axentes da Garda Civil e da Policía Local.

Unha vez que conseguiron rescatalo, os membros do Servizo de Prevención Extinción de Incendios e Salvamento confirmaron ao 112 que, aínda que o pescador estaba algo desorientado pola situación, non necesitaba asistencia médica.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...