InicioCulturaReflexións sobre o tempo e o lugar no que vivimos

Reflexións sobre o tempo e o lugar no que vivimos

O Casino de Chantada acollerá o día 14 de setembro un encontro con Xosé Constenla Vela e David Rodríguez, autores de dous ensaios que obrigan a reflexionar sobre o territorio que habitamos e sobre o noso aquí e agora como pobo.

Publicado o

- Advertisement -

O ensaio de Xosé Constenla (Compostela 1980, Doutor en Xeografía e Historia, docente en diferentes universidades) titúlase O colapso territorial en Galiza”, ensaio galardoado co Premio Ramón Piñeiro de ensaio no ano 2017. O autor visitara Chantada en marzo para falar dos modelos de xestión do territorio, na secuencia da declaración BIC da Ribeira Sacra como paso previo a optar a ser declarada Patrimonio da Humanidade. Daquel encontro co autor saiu “Os indíxenas imos comer turismo” no que se recollen as alegacións de Por Chantada –  CUP ao expediente de declaración BIC da Ribeira Sacra.

David Rodríguez (Vigo 1975, autor de teatro radiofónico, poemarios e ensaios de carácter político socio-cultural) chega co traballoO canastro sen tornarratos. Resistencia popular na era do capitalismo sen democracia. Unha ollada galega”  onde David Rodríguez reflexiona sobre o noso aquí e agora como pobo. Afondando na teima de traballos anteriores nos que ofrece a súa visión da interpretación que o pobo fai dunha realidade cada vez máss cambiante.

Por Chantada – CUP organiza esta actividade para mediados de setembro e nos convida a non ser alleos ao tempo e as circunstancias que vivimos.

ÚLTIMAS

“Outlet de Inverno” en Sarria, os día 1 e 2 de marzo

Durante eses días, preto dunha trintena de establecementos de ACES participarán nunha campaña de...

Cales son as prioridades do orzamento do novo goberno para Quiroga?

No caso do servizo municipal de auga, co inicio das choivas de outono a...

Máis de 200 persoas inscritas para a carreira Xacorun Sarria que se celebra o 3 de marzo

A Xunta apoia un ano máis a iniciativa Xacorun, unha carreira entre Sarria, Paradela...

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...