InicioMedio ambiente e PatrimonioDándolle forma ao Camiño de Inverno no Monte do Faro

Dándolle forma ao Camiño de Inverno no Monte do Faro

A Xunta destina 20.0000 euros a habilitar unha área de descanso no Monte do Faro, poñendo en valor este enclave polo que transcorre o Camiño de Inverno e que forma parte da Rede Natura 2000.

Publicado o

- Advertisement -

O proxecto que se desenvolve a través da Consellería do Medio Ambiente e Ordenación do Territorio enmárcase nun programa de investimentos en concellos incluídos na Rede Natura 2000. O obxectivo deste tipo de actuacións, segundo apuntan deste a Xunta, é conservar e revalorizar o patrimonio natural de Galicia ao tempo que se promove a xestión sustentable dos recursos naturais.

Os traballos inclúen a construción dunha varanda perimetral que delimite a área, preto da capela, e un solado de granito; a instalación de catro conxuntos formados por mesas e bancos de pedra, e a plantación de varios carballos e bidos ao redor das mesas para completar o arborado existente. Limparase e acondicionarase a fonte, canalizando as augas, e instalarase un panel interpretativo con contidos sobre o espazo da Rede Natura, o Camiño de Inverno e outros lugares de interese da contorna.

A Consellería do Medio Ambiente financia este proxecto no marco dunha orde de axudas  dirixidas a restaurar, preservar e mellorar a biodiversidade nas zonas Natura 2000, os sistemas agrarios de alto valor natural e as paisaxes agrarias nos espazos protexidos e nas súas área de influencia.

 

 

 

 

ÚLTIMAS

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...

A xornalista, Lucía Rodríguez, con raíces en Sober, pregoará a Feira do Viño de Amandi

O concello de Sober deu a coñecer este mércores o nome da persoa que...

Taboada-Chantada, segunda etapa do Gran Camiño este 23 de febreiro

O alcalde de Chantada, Manuel Lorenzo Varela, destaca, “Para nós é unha honra volver...