Unha vez máis, o artista local Juan José Lomarti é o autor do cartel da Feira do Viño 2022, unha cita cos mellores caldos da zona que chegará á súa 39ª edición no mes de xuño.

O Concello de Chantada divulgaba a nova polas redes sociais, agradecía o gran traballo de Lomarti e referíase á súa obra con estas palabras: “O frescor e o recendo do viño cando o catamos, as cores da ribeira e os tipos de viño que fan as adegas de Chantada: mencías, godellos, rosados… están representados na obra do noso veciño Lomarti nun cartel diferente a outros que ten feito para unha das nosas festas máis importantes”.

A Feira do Viño de Chantada, como xa se anunciou semanas atrás, será o venres 3, sábado 4 e domingo 5 de xuño.