Ferido o condutor dun camión en Chantada nun accidente

Un particular deu a voz de alarma.

Servizo de emerxencias 112

Os bombeiros liberaron a un condutor tras quedar atrapado no interior dun camión que conducía e co que envorcou en Chantada. O home resultou ferido e, tras ser liberado, foi evacuado polos servizos sanitarios.

Foi necesaria a intervención dos bombeiros para evacuar ao ferido, que non era capaz, segundo informa o 112, de abandonar o vehículo polos seus propios medios. Os feitos tiveron lugar ás 8,10 horas deste xoves, na estrada que une Taboada con Lalín, na LUP-6001.

Un particular foi quen deu a voz de alarma e, a partir de aí, activouse un operativo que contou coa intervención dos profesionais de Urxencias Sanitarias de Galicia-061, dos bombeiros de Chantada, Garda Civil de Tráfico, Policía Local e membros de Protección Civil da localidade.

Os equipos de intervención traballan en restablecer na maior brevidade posible as condicións de seguridade da vía.

DEIXAR UN COMENTARIO

Please enter your comment!
Please enter your name here