IniciosociedadeA presa de Belesar pon a proba as sirenas de emerxencia

A presa de Belesar pon a proba as sirenas de emerxencia

Os días 16 e 17 de outubro entre as 9.00 e as 18.00 horas soarán as sirenas que poderán escoitarse nos concellos de Chantada, O Saviñao e Pantón.

Publicado o

- Advertisement -

Naturgy está implementando o Plan de Emerxencia da presa de Belesar, contando coa colaboración da Dirección Xeral de Emerxencias e Interior da Xunta de Galicia, a Unidade de Protección Civil da Subdelegación do Goberno e a Confederación Hidrográfica Miño-Sil. Dentro deste Plan de Emerxencia farase a proba acústica das sirenas. Soarán os días 16 e 17 de outubro en horario de 9.00 a 18.00 podendo ser escoitadas nos concellos da contorna como Chantada, O Saviñao ou Pantón.

Desde Naturgy informan á poboación de que non hai porque alarmarse nin facer nada especial ao escoitalas, únicamente se trata dunha proba, para confirmar que a instalación da rede de sirenas está en orde ante unha posible emerxencia. Con este Plan de Emerxencia e os que se desenvolven noutras presas de Galicia preténdese dar cumprimento ao establecido na Planificación de Protección Civil ante o risco de inundacións.

Os Plans de Emerxencia teñen como obxectivo incrementar as garantías de seguridade coas que xa contan este tipo de instalación. No caso da presa de Belesar instalouse unha rede de sirenas dentro da zona de influencia da presa, estas sirenas alertarán á poboación en caso dunha situación de alerta e durante os próximos dous días comprobarase o seu funcionamento.

ÚLTIMAS

Redes Lilas visibiliza en Sober ás mulleres asasinadas en España no último ano

Esta semana tivo lugar a terceira actividade da programación feminista de 'Redes Lilas', proxecto...

Concerto do violonchelista Carlos Vidal, o 14 de abril en Sober

O músico, Carlos Vidal, ofrece o domingo, día 14, un concerto de violenchelo en...

María Vázquez será ‘pregoeira na súa terra’, na XXI Festa da Carne ao Caldeiro

O domingo 14 de abril terá lugar unha nova edición da Festa da Carne...

Alegacións do PP de Monforte ao regulamento da escola infantil

O Grupo Municipal do PP de Monforte vén de presentar alegacións ao regulamento da...