Un incendio causou ese martes importantes danos nunha vivenda do municipio lugués de Chantada pero saldouse sen persoas feridas.

O lume, declarado ao redor das 10,40 horas deste martes nun inmoble de Santo Estevo, na parroquia de San Salvador de Asma, foi sufocado polos bombeiros unha hora despois da súa chegada ao lugar. O único ocupante que se atopaba na vivenda foi axudado por axentes da Policía Local a abandonar a casa, onde ardeu o piso superior no que había almacenada maquinaria e ferramentas.