InicioEconomíaImpulso do comercio en Monforte e Chantada

Impulso do comercio en Monforte e Chantada

A  Consellería de Economía apoia con 80.000 euros ás asociacións de comerciantes de Monforte de Lemos e Chantada para o desenvolvemento dunha vintena de accións de dinamización comercial.

Publicado o

- Advertisement -

O delegado territorial da Xunta en Lugo, José Manuel Balseiro, vén de manter reunións de traballo en Monforte, cos representantes do Centro Comercial Urbano e en Chantada, cos respresentantes do Centro Comercial Aberto. O obxectivo das xuntanzas era coñecer o tipo de accións que desenvolven estas entidades. O comercio de proximidade organiza nestas localidades feiras de oportunidades, accións de fidelización e actividades de fomento das vendas en datas puntuais como o Nadal. Igualmente, axudan a mellorar a sinalización comercial e a formación dos empresarios do sector. Este tipo de iniciativas contribúen á dinamización social da contorna, ofrecendo oportunidades para o tempo de lecer.

Balseiro sinalou que o respaldo ao asociacionismo comercial é unha das prioridades do Plan estratéxico de impulso ao Comercio de Galicia, que destina 70 millóns de euros ata 2020 a modernizar e incrementar a competitividade do comercio de proximidade galego, impulsando o smart commerce e o comercio electrónico, e potenciando o comercio excelente.

O Páramo e Portomarín mellor comunicados

Tamén desde a Xunta véñense de rematar as obras da estrada LU-613 entre Portomarín e O Páramo. Os traballos consistiron en reparar o pavimento nun treito de case 6 quilómetros. A Consellería de Infraestruturas e Mobilidade adicou a estas obras preto de 400.000 euros. Paralelamente, nesta vía autonómica foi acometida unha obra de emerxencia cun orzamento de 172.000 euros, como consecuencia do derrubamento dun muro o pasado mes de xullo en Pedrouzos. Neste punto, o departamento de Infraestruturas construíu un novo muro de escollera de 40 metros de lonxitude.

Visita LU-613 entre Portomarín e O Páramo / Delegación Territorial Lugo

ÚLTIMAS

“O meu agasallo favorito foi unha máquina de coser”, Sonia Argiz, emprendedora

Sonia Argiz Río é unha galega afincada en Castelo, no Concello de Taboada, lugar...

Sober presenta o cartel e a programación da XLIV Feira do Viño e o Mes do Amandi

Este ano o convidado de honra é o Concello de Pereiro de Aguiar, nunha...

Katy Varela: “Tomé equivócase ao negarse a flexibilizar as modificacións da ordenanza de tráfico”

O equipo de goberno do concello de Monforte, no pleno desde luns pode definitivamente...

Recurso de reposición de Por Chantada á aprobación definitiva do proxecto de urbanización da rúa Rego

Con estes antecedentes, Por Chantada presenta un recurso potestativo de resposición que pon fin...