HomePolíticaPor Chantada denuncia un ano máis a xestión do Campamento de Verán

Por Chantada denuncia un ano máis a xestión do Campamento de Verán

Segundo Por Chantada numerosas familias trasladáronlles o malestar pola falta de previsión e tardanza en anunciar os campamentos de verán por parte do Concello de Chantada, "Unhas queixas que se veñen repetindo desde 2021, cando se producira unha recollida de sinaturas moi numerosa na vila do Asma, ao respecto deste tema".

Publicado o

POR
Redacción
- Advertisement -

Por Chantada-Interior Galego Vivo vén de solicitar acceso ao expediente de contratación da xestión do Campamento de Verán e do programa denominado Diverxuño, organizados polo Concello con subvencións da Xunta e do Estado. A formación política asegura que non existe tal expediente “por estar o proceso de contratación en trámite a quince días do remate do período lectivo e de inicio das actividades municipais orientadas a facilitar a conciliación das familias. É máis nada se di nin se sabe aínda da oferta municipal para agosto.”

Desde Por Chantada lamentan ter que queixarse unha vez máis “da improvisación na organización” desta actividade. “Sen traballo e planificación, por moito que se tire de chequeira, só saen trapalladas e, amais, outros concellos ofertan tamén atención polas tardes e xa anunciaron a súa oferta até o 10 de setembro”.

Sinalan desde Por Chantada que a empresa gañadora do concurso, “terá que contratar ao persoal que se fará cargo de centos de crianzas en cuestión de días, polo que a marxe de selección será case nula repetíndose eivas xa sinaladas noutras anualidades”. Lamentan a falta de cobertura de actividades en agosto e nas tardes de xullo.

ÚLTIMAS

A Asoc. Rechouchíos de Taboada creará un fondo de traxe tradicional galego

O Presidente da Deputación da Lugo, José Tomé Roca, vén de asinar un convenio...

Do 5 ao 10 de agosto Monforte celebra a XXIV edición de Artelemos

O Concello de Monforte vén de presentar o cartel anunciador e o programa da...

O BNG levará ao pleno provincial a demanda de mellora das infraestruturas e da xestión do regadío do Val de Lemos

O BNG buscará o acordo do pleno provincial para reclamar á Confederación Hidrográfica, ao...

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...