Un traballador resultou ferido este martes no municipio lucense de Chantada tras golpearse cun saco tipo bigbag. Tivo que ser trasladado en helicóptero.

Un compañeiro do ferido solicitou axuda a través do 112 Galcia ao redor das 11.30 horas. Indicou que estaban a cargar un palé á beira da LUP-1002, en Carballizos, Chantada, cando o operario foi golpeado por un saco tipo bigbag de gran peso.

Ao momento sinalado polo alertador, acudiron os equipos de emerxencias e seguridade, isto é, voluntarios de Protección Civil de Chantada e Policía Local, e a dotación de Urxencias Sanitarias de Galicia-061 a bordo do helicóptero con base en Ourense.

Despois de recibir os primeiros coidados, o ferido foi trasladado na aeronave ao centro hospitalario de referencia en Ourense.