HomeEconomíaA cooperativa Aira de Taboada supera nun 10% o crecemento económico previsto

A cooperativa Aira de Taboada supera nun 10% o crecemento económico previsto

O Director Xeral da Cooperativa, Daniel Ferreiro, destacou que os resultados non poden ser máis positivos.

Publicado o

- Advertisement -

O venres 6 de xullo celebrouse no pavillón deportivo de Taboada a Asemblea Xeral Ordinaria de Aira que comezou a súa andadura o día 1 de xaneiro do 2018 tras a integración das cooperaticas Icos, Agris, Coelplan, Cogasar e a propia Aira.

Tras 6 meses a pleno rendemento xa como cooperativa de 1º grao, os temas claves da reunión foron o balance de resultados do ano 2017, a fixación de achega obrigatoria para ser socio e a análise do estado do plan de actuación para o 2018.

O Director Xeral da Cooperativa, Daniel Ferreiro, destacou que os resultados non poden ser máis positivos. O crecemento económico que había previsto para o 2017 era dun 3,5% e sen embargo, neste tempo foi mellorado ó 6%. Por outra banda, o volume de negocio alcanzado superou os 92,5 millóns de euros prognosticados, chegando aos 97,8 e ós 2,6 millóns de EBITDA (beneficio antes de xuros, impostos, depreciacións e amortizacións). Finalmente, Daniel Ferreiro manifestou que, “a proxección dos resultados dos 5 primeiros meses de 2018 elevaría o volume final de negocio ós 105 millóns  de euros en EBITDA de 3,5 millóns”. Nesta liña tamén é salientable que o investimento previsto para o 2018 era de 4 millóns de euros -fronte ós 2,5 millóns previstos inicialmente-, dos que xa se levan executados máis do 60%.

Nesta asemblea tamén se acordou o reparto de beneficios entre os socios; este farase en función do volume da actividade cooperativizada. Por outra banda, tamén se acordaron as cotas de entrada e a achega de capital para os novos socios.

Finalmente, na reunión analizouse o plan de actuación para o 2018 onde haberá 3 piares básicos; valorizar as producións das explotacións dos asociados, facer o máis rendibles posible os servizos prestados sen prescindir de ningunha das redes e seguir en 2019 a liña de crecemento iniciada.

José Manuel Tellado, presidente da cooperativa Aira destacou que un dos novos obxectivos é “optimizar as novas granxas, prestarlles asistencia de maneira máis próxima e eficaz posible e seguir apostando polos proxectos de transformación. Tamén seguiremos co compromiso adquirido da participación da cooperativa no proxecto empresarial galego DairyLac, promover a renovación do parque de maquinaria e o de garantir a mellora das delegacións”.

 

ÚLTIMAS

‘A Galeguiña’, da marca monfortina Gemma & Naza Cheesecakes, mellor Torta de Queixo de Galicia 2026

A torta premiada, bautizada como "A Galeguiña", nace cunha idea moi clara: render homenaxe...

Educación ambiental e baloncesto co proxecto ‘Ningún Aro Sen Rede’

De Lugo a Escairón, pasando por Monforte de Lemos e Antas de Ulla. A...

Folgoso do Courel homanexeu a súa castaña

A celebración é un importante punto de encontro para veciños e visitantes, cunha gran...

O PP esixe o arranxo urxente da LU-P-4112 en Pantón para garantir a seguridade do transporte escolar

Os deputados do Grupo Provincial Popular advirten a PSOE e BNG, tralo anuncio de...