HomePolíticaRodil presenta en Taboada o Ticket Rural, 15.000€ para emprendemento

Rodil presenta en Taboada o Ticket Rural, 15.000€ para emprendemento

Nunha visita ao obradoiro das Galletas Xianas, en Taboada, Rodil anunciou que o BNG desde a Xunta "poñerá en marcha medidas para apoiar proxectos que permitan diversificar a actividade económica no medio rural".

Publicado o

POR
Redacción
- Advertisement -

A candidata do BNG por Lugo, Olalla Rodil anunciou a posta en marcha do Ticket Rural, unha axuda de 15.000€ para os proxectos que se asenten no medio rural durante os primeiros 5 anos, e bonificacións na fiscalidade nos primeiros anos do proxecto. “Trátase de impulsar liñas de axuda á creación de actividades económicas nas zonas rurais, con criterios de selección que prioricen a transformación agroalimentaria, valorando a producción primaria da contorna”, explicou Olalla Rodil, que engadiu “estas medidas terán maior intensidade nas áreas máis afectadas pola perda de habitantes e o envellecemento da poboación”.

Os nacionalistas aseguran que incidirán na recuperación da autoestima de pertenza ao rural, “garantir a supervivencia do tecido produtivo agrario profesional no noso futuro a curto e medio prazo. Traballaremos nun programa específico de formación rural para educación infantil e primaria co obxectivo de poñer en valor a potencialidade dos diferentes sectores produtivos das nosas zonas rurais”.

“Desde o BNG somos conscientes de que para garantir a fixación de poboación nos concellos do rural é preciso manter servizos esenciais como a sanidade, a educación, ou facilitar a conciliación”, afirmou Olalla Rodil. A cabeza de lista por Lugo anunciou unha “estratexia para o medio rural dirixida a blindar a calidade de vida e o benestar social como dereito de todas persoas, independentemente de que vivan nunha cidade ou no rural”.

E esta semana unha delegación do BNG no sur de Lugo visitou tamén diversos sectores produtivos como o do viño, “para visibilizar que no BNG temos un modelo de apoio e recuperación de actividade nos sectores primario e secundario, que inclúe un reforzamento do apoio ao comercio local e ao fortalecemento da economía circular e pequena”, lembra Rosana Prieto, responsable da formación nas comarcas do Sur da Provincia.

Lar de Ricobao visita BNG en campaña / BNG

ÚLTIMAS

O 19 de xullo comeza o servizo de lanzadeiras na Ribeira Sacra cunha nova ruta desde Chantada

O servizo de lanzadeiras que pon en marcha o Consorcio de Turismo da Ribeira...

Promoción de produtos agroalimentarios de calidade en Bóveda

A XXI edición da Feira Outrora, en Rubián, contou este ano coa presenza da...

A Xunta Local de Seguridade de Chantada coordina o dispositivo da Subida a Chantada e das Patronais

A 51ª edición desta proba automobilística celebrarase os días 25, 26 e 27 de...

Sarria celebra desde este 14 de xullo ata o día 20 a IV edición do Ultreia e Suseia

Sarria acolle desde este luns e ata o 20 de xullo unha nova edición...