HomeEconomía28 de xuño de exposición de conclusións da primeira fase do proxecto...

28 de xuño de exposición de conclusións da primeira fase do proxecto “O Courel destino e futuro”

O próximo día 28, venres, a partir das 10 da mañá na casa da cultura de Quiroga celebrarase a xornada que pecha a primeira fase de execución do proxecto "O Courel Destino e Futuro" que co cofinanciamento do MITECO realizouse nos últimos 15 meses nos concellos de Folgoso do Courel, Quiroga e Ribas de Sil.

Publicado o

POR
Redacción
- Advertisement -

O proxecto, exposto para afrontar o reto demográfico e as dificultades que ten o desenvolvemento do medio rural, está a ser executado por expertos consultores analizando as potencialidades da comarca para favorecer a creación de empresas e emprego co obxectivo de fixar poboación e conseguir un futuro mellor para a cidadanía.

Ao longo destes 15 meses realizáronse unha decena de xornadas nas que se analizaron temas como o turismo rural, a viticultura, o mantemento do medio natural, o patrimonio, o inventario de edificacións para rehabilitar e outra serie de aspectos que puidesen ser de especial interese e conseguisen un efecto de atracción de nova poboación á comarca pois os datos actuais da pirámide poboacional son moi preocupantes con mais dun 60% dos cidadáns envellecidos, escasa substitución xeracional e dificultades como as infraestruturas que é necesario mellorar notablemente.

Na xornada do día 28 efectuaranse unhas primeiras conclusións especialmente nos aspectos de Investimentos no medio rural, a transferibilidade de proxectos doutras comarcas que poidan ser aplicables en no Courel e un debate de ideas e recomendacións sobre tres aspectos fundamentais como son o turismo, os viños e a unificación dunha imaxe de marca do Courel, que distinga os produtos no seu conxunto e chegue aos consumidores para aumentar as cotas de mercado tanto de atracción de turistas como de venda de produtos agroalimentarios, viños, aceites, cereixas, mel, marmeladas e outros.

A xornada será clausurada polo Director Xeral de AGACAL, Martín Alemparte, e polo socio da consultora Noa Inova, José María López Bourio.

ÚLTIMAS

‘Miconcurso de tapas’, iniciativa dos Lactourus para dinamizar a hostalería de Monforte

A Asociación Micolóxica Os Lactouros organiza os vindeiros mércores 18 e xoves 19 de...

Interrompida a circulación ferroviaria entre Sanclodio-Quiroga e Monforte

Adif vén de comunicar na súa páxina web e nas redes sociais unha interrupción...

FEARS celebra o 12 de decembro en Pantón un foro sobre o futuro da candidatura da Ribeira Sacra a Patrimonio da Humanidade

No encontro reflexionarase colectivamente sobre a candidatura da Ribeira Sacra a Patrimonio Mundial e...

A Deputación licita melloras en estradas de Sarria, Láncara e O Saviñao

A Deputación licita un investimento de superior ós 915.000 euros para o arranxo e...