Folgodo do Courel leva anos sufrindo recortes na atención sanitaria nun territorio de zona de montaña cunhas intensas características orográficas, ampla dispersión xeográfica e poboación moi envellecida, “que representa máis do 70% do total, cunha penetración de enfermidades crónicas asociadas relevante”, explican desde Courel Vivo.
Fai 4 meses, os 3 grupos municipais aprobaron unha proposta para non volver quedar un só día sen Doutor/a e Enfermeiro/a polas peculiaridades da zona. Tamén solicitaban traballar na redacción e aprobación dunha lei de alta montaña como teñen outras comunidades autónomas para brindar servizos en concellos como Folgoso do Courel
Courel Vivo asegura que neste mes a cobertura está sendo mínima, “O problema é grave e todos o sabemos. Pero uns reclamamos e outros compran escusas baratas da Xunta. Os políticos están para resolver os problemas, se non son capaces de resolvelos non pintan nada no cargo”.
Acusa ao Sergas de vulnerar sistematicamente a lei, concretamente o Real Decreto 137/1984, de 11 de Xaneiro, sobre Estruturas básicas de Saúde, onde di que A Unidade Básica de Saúde (CS) non poden estar a máis 30 minutos, “No caso do Courel, pasa da hora para moitas persoas”. Lembran que a Xunta anunciou que no 2024 se incorporarían máis de 200 médicos ó Sistema Galego de Saúde e pregúntanse se no Courel non están dentro do Sistema Galego de Saúde, para priorizara cobertura Sanitaria?
Con todo o anterior, na moción presentada piden solicitar á Consellería de Sanidade e ó responsable de atención primaria en Lugo, unha reunión urxente cos 3 grupos políticos do Courel, como xa acontecera na anterior lexislatura.
Protestas sanidade Courel / Courel Vivo
