A Asociación Micolóxica Lactouros vén de anunciar unha nova iniciativa formativa, neste caso a realizar nas Montañas do Courel. Trátase dun Curso de Orientación e Sendeirismo en colaboración con Coureleando S.C., dirixido a todas aquelas persoas interesadas en aprender a desprazarse con seguridade pola montaña, interpretando o terreo e utilizando a brúxula correctamente.

As datas de realización serán do 4 ao 6 de abril e o lugar Paderne de Courel. A actividade, ademais da formación teórica e práctica, incluirá saídas diurnas e nocturnas para aplicar os coñecementos adquiridos.

O lugar concreto onde se realizará a actividade é Casa Caselo, en Paderne de Courel e o prezo da formación é de 150 € (inclúe curso, aloxamento e comidas).

PROGRAMA

Venres: Sesión teórica, cea e saída práctica por Paderne.

Sábado: Almorzo, ruta de orientación polo monte, cea e saída nocturna.

Domingo: Almorzo, sesión de miniteoría e carreira de orientación (5 quilómetros con 5 balizas).

Material recomendado: Brúxula, calzado e roupa de monte, mochila con auga e algo de picar e frontal (recomendado para a saída nocturna).

As prazas son limitadas e as inscricións realizaranse a través de WhatsApp no 671 473 982.

Dende a Asociación Micolóxica Lactoutos animan a inscribirse pois, din, “é unha oportunidade única para conectar coa natureza e adquirir habilidades esenciais para a orientación en montaña”.