Na presentación pública participaron Candela López e Rosana Prieto, quen fixeron fincapé na necesidade de avanzar en políticas feministas con coherencia e determinación. Candela López sinalou que “o feminismo é hoxe máis necesario ca nunca, porque estamos vendo como se cuestionan dereitos que críamos consolidados. Non chega con xestos simbólicos; fan falta políticas públicas valentes, recursos e compromiso real para combater as desigualdades estruturais”.
Pola súa parte, Rosana Prieto destacou que “o 8M non é unha data illada no calendario, é un proceso de mobilización permanente. Desde a comarca queremos abrir espazos de debate, análise e acción colectiva para fortalecer o feminismo tamén no rural e nas vilas”.
Programa do Ciclo Feminista 8M – Lugo Sul
- 7 de marzo ás 10:00h en Monforte de Lemos. Seguir o rastro: Obradoiro de mapeo colectivo sobre a historia recente das mulleres traballadoras, con posterior paseo crítico pola vila (Hotel Cardenal).
- 14 de marzo ás 18:30h en Monforte de Lemos. A muller na política, organizada pola Asociación A Xacia (Centro do Viño Ribeira Sacra).
- 19 de marzo ás 20:00h en Monforte de Lemos. Traballos feminizados: visibilización e recoñecemento, mesa redonda con Paula Santos (Centro do Viño Ribeira Sacra).
- 26 de marzo ás 20:00h en Goián (Pantón). Construción do xénero e relacións de poder. Como inflúen na nosa identidade e na forma de vincularnos, charla impartida por Cristina Vieco (Casa do Campo). Mural Feminista – Toldaos (Pantón)
Desde o BNG comarcal insisten en “que o feminismo é defensa de dereitos, cuestionamento de privilexios e construción dunha sociedade máis xusta e igualitaria, e facemos un chamamento á participación activa da veciñanza en todas as actividades programadas.
