HomesociedadeÉxito total de participación no ’Qui Medo’ de Quiroga

Éxito total de participación no ’Qui Medo’ de Quiroga

A que será II Ruta do Terror de Quiroga, este sábado 30 de outubro, vén de anunciar que conta xa con 450 inscritos.

Publicado o

- Advertisement -

No 2019 nacía en Quiroga a primeira ruta do terror da man da asociación local Qui-Roma. A iniciativa tivo moi boa acollida pero despois chegou a pandemia, co cal a idea non puido desenvolverse no pasado 2020.

E foi este ano cando os organizadores viron que, dadas as novas circunstancias, podía retomarse o evento. Dito e feito, puxéronse a darlle á cachola a principios de outubro e xa teñen practicamente todo rematado para este sábado 30, en plena ponte de Santos, meterlle medo a todas e todos aqueles que se atreverán a facer o recorrido do que será a II Ruta do Terror de Quiroga, o Qui-Medo.

INFORMACIÓN SOBRE O FUNCIONAMENTO

O percorrido ideado pola organización terá, entre o seu principio e o seu final, unha serie de casas do terror con diferentes sorpresas. Todas elas –evidentemente– terroríficas, arrepiantes e ambientadas para poñer os pelos de punta do medo. De feito, aconsellan non levar a nenos/as menores de 12 anos. E de levalos, en todo caso acompañadas/os de seus pais.

O Pavillón Municipal de Quiroga será o lugar onde se recollerán os pases para acceder ás diferentes casas do terror entre as 19:00 e as 20:00 h., hora esta na que terá lugar a saída para comezar o percorrido.

Ademais dos pases, entregarase a cada persoa que participe de xeito individual ou ao líder do grupo, se a participación é colectiva, un mapa do casco urbano de Quiroga onde estará indicado o percorrido e as casas que se teñen que visitar. A distancia total do traxecto completo é de 4 quilómetros, asequible para todos os públicos.

O tempo de duración da actividade está calculado para desenvolverse entre as 20:00 e as 23:00 h. rematando no Pavillón Municipal cunha chocolatada e entrega de premios ao mellor disfrace individual e ao mellor grupo. Os premios serán uns vales para unha cea, no caso do grupo gañador o vale consiste nunha cea para 5 persoas, en ambos casos a validar en dous establecementos hostaleiros de Quiroga.

Ademais da chocolatada, DJ Míchel poñerá a guinda musical ao remate desta orixinal ruta do terror quiroguesa.

Ao peche desta noticia, a organización do Qui-Medo anunciaba que había 450 inscricións formalizadas para participar. Tamén traslada á xente que se alguén se quere desapuntar, porque o medo lle pode, que o faga chamando ao teléfono 982 435125.

Cartel reclamo da actividade. Deseño: Asoc. QuiRoma

ÚLTIMAS

O monfortino David Rodríguez estará na presentación do filme ‘As Neves’ en Monforte

A longametraxe As Neves, ópera prima escrita e dirixida por Sonia Méndez, chega por fin ás...

O 7 de xullo celébrase a I Festa Interxeracional Concello de Chantada

A Festa terá lugar o 7 de xullo no pavillón do colexio Eloisa Rivadulla....

Martín Alemparte, anterior xerente do GDR Ribeira Sacra-Courel, toma posesión como director da AGACAL

O acto desenvolveuse no complexo administrativo de San Caetano. Durante a celebración a conselleira...

Luisa Villalta segundo Olga Novo, este 31 de maio en Quiroga

A relatora será a profesora, escritora e tradutora da Pobra do Brollón, Olga Novo;...