Quiroga recibiu no primeiro trimestre deste ano 9.011 visitantes, cifra que se coñece grazas aos novos estudos sobre o turismo baseados no movemento dos teléfonos móbiles que publica o Instituto Nacional de Estatística.

Estes datos reflicten que os número de visitantes deste primeiro trimestre foi maior que os visitantes do primeiro trimestre do 2022 en case mil persoas. A estatística marca que no primeiro trimestre do ano pasado achegáronse ata Quiroga 8.086 persoas.

Dentro dos municipios que conforman a Ribeira Sacra Lucense Quiroga ocupa o cuarto lugar dos municipios máis visitados, tras Monforte, Chantada e Sober.

Este estudo do Instituto Nacional de Estatística pretende coñecer a través da sinalización dos teléfonos móbiles, captada polas antenas de telefonía, a procedencia e destino dos turistas que visitan as distintas comunidades autónomas, provincias e municipios.