Este sábado día 24 de maio a Asociación de Empresarios e comerciantes do Xeoparque Montañas do Courel celebrará a sua festa anual na vila de Quiroga, concretamente na Praza España.

Na que será a súa 3ª edición, as actividades comezarán ás 18:00 horas co tradicional campionato de Chave, xogo no que poderán participar pequenos e grandes con premios para os mellores de cada modalidade.

Máis tarde, cara ás 21:00 horas, haberá pancetada de balde para todos os asistentes e dende as 22:30 h. música a cargo de artistas locais. Primeiro actuará o solista Julio Ferrín e a continuación o DJ Adri Díaz, quen pinchará das 23:30 ás 2:00 h. da madrugada.