A Deputación de Lugo puxo en marcha unha batería de actividades lúdicas e deportivas nas praias fluviais do sur lucense e que veñen a ofrecer unha alternativa ó turismo de praia ó mesmo tempo que contribúe a descubrir as posibilidades de lecer dos ríos.
Deste xeito, tanto veciños como visitantes ós Concellos de Ribas de Sil e Láncara poderán gozar dunha programación fluvial gratuíta e para todos os públicos que se desenvolverán en espazos naturais e onde estarán presentes os inchables acuáticos, tobogáns, balancíns, pulpos, rocódromos acuáticos, pistas de obstáculos, kaiaks, ou waterballs, animacións musicais e xogos populares.
Cada sesión, que terá unha duración de entre 3 e 4 horas, contará coa supervisión de, polo menos, un coordinador e entre 6 e 12 monitores que serán os encargados de coidar e atender ós participantes para garantir a seguridade da diversión.
Deste xeito, o 16 de agosto na Praia Fluvial de San Clodio, en Ribas de Sil os visitantes poderán desfrutar dunha xornada lúdica acuática e, o 19 de agosto, a quenda será para os asistentes á Praia Fluvial da Pobra de San Xiao, en Láncara.
