No concello de Ribas de Sil o investimento de 25.000 euros destinarase a renovar o parque infantil da área recreativa da praia fluvial. Outra das actuacións será a construción dun depósito de auga no lugar da Cabarca, unha infraestrutura importante na prevención de incendios. O investimento completarase colaborando na posta en marcha dunha ruta turística de interpretación polo complexo arqueolóxico Mineiro do Covallón. O Covallón, na parroquia de Santiago de Soutordei, está formado por 3 minas romanas a ceo aberto. A ruta que as une incluirá paneis interpretativos con cargo a este investimento.
