Unha persoa perdeu a vida tras sufrir unha saída de vía e caer por un terraplén co seu vehículo no concello de Sarria Segundo a información do 112 Galicia. Na comunicación ao 112 indicouse que un dos implicados puido saír do vehículo, mentres que o outro se atopaba inconsciente.

A central de emerxencias solicitou a intervención do Servizo de Urxencias Sanitarias de Galicia-061, dos Bombeiros de Sarria e da Garda Civil de Tráfico. Unha vez no punto, os bombeiros empregaron material de excarceración para liberar o implicado, pero non puideron facer nada por salvarlle a vida. A outra persoa que viaxaba no vehículo foi atendida polo persoal sanitario.