InicioComarca de SarriaLáncaraDenuncian que a batida de raposos en Triacastela e Láncara "agravaría" a...

Denuncian que a batida de raposos en Triacastela e Láncara “agravaría” a praga de toupas

A Federación Rural Galega (Fruga) lembra que o raposo contribúe a controlar a presenza destes roedores, así que piden paralizar o torneo para non facilitar unha proliferación maior de ratas.

Publicado o

- Advertisement -

A Federación Rural Galega (Fruga) reclamou este xoves á Xunta a paralización do XXV Campionato de Caza do Raposo previsto para esta fin de semana na zona do Iribio, xa que a batida de raposos “agravaría” a praga de toupas que afecta esta área.

Nun comunicado, Fruga lembra que a zona na que se vai celebrar o torneo (Láncara e Triacastela) está baixo unha situación “fóra do común” pola gran proliferación de ratas toupa, unha especie que causou danos en cultivos por valor “de preto de dous millóns de euros”.

O RAPOSO AXUDA A CONTROLAR A PRESENZA DE ROEDORES

“Precisamente, é o raposo o principal elemento de control biolóxico desta especie de roedores, polo que unha cazaría como a que se propón serviría para agravar aínda máis a situación e facilitar a proliferación descontrolada da ‘rata toupa'”, alertan.

A federación reivindica o papel “fundamental” do raposo, como doutros carnívoros, “no mantemento do equilibrio ecolóxico dos ecosistemas dos que forman parte”, así como “no control de múltiples enfermidades” que afectan a fauna galega. “Parece que pesa máis o cada vez máis cuestionado ‘aproveitamento’ lúdico” da fauna por parte dos cazadores ca a “defensa e protección dos agricultores e gandeiros”, engaden.

“IRRESPONSABILIDADE”

Fruga criticou, así, a “irresponsabilidade” da Administración galega, que, “á vez que patrocina certames coma este”, compromete “acometer medidas, a día de hoxe aínda por determinar, e evita dotar presupuestariamente de axudas ás explotacións afectadas polos roedores”, conclúen.

 

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...