O PP de Láncara condenou a actitude do rexedor Darío Piñeiro, denunciado por acoso por parte dunha traballadora do Servizo de Axuda non Fogar (SAF), e esixiulle “responsabilidades “por ser un comportamento que non é apropiado para o máximo representante da veciñanza”.

Aseguran ademais nun comunicado que o seu comportamento “causa un prexuízo tanto ao Concello como aos propios veciños”. Os populares consideran ademais que o alcalde se “extralimitou” nas súas funcións, xa que non é a súa competencia investigar e denunciar a traballadores dunha empresa privada.

Pregúntanse, así mesmo, se Piñeiro actuaría igual se “en lugar dunha muller fose un home” do que tivese coñecemento de que traballa estando de baixa laboral.