HomePolíticaA eterna demanda do desdobramento do corredor Lugo-Sarria-Monforte

A eterna demanda do desdobramento do corredor Lugo-Sarria-Monforte

Os socialistas da Comarca de Sarria denuncian que a Xunta leve 10 anos sen atender as peticións dos máis de 22.000 veciños dos 7 concellos da comarca.

Publicado o

- Advertisement -

Segundo os socialistas a única actuación que se recolle nos presupostos é a conversión en autovía do corredor, desdobramento que os cidadáns levan anos reclamando. A Xunta comprométese cun desdobramento parcial dende A Pobra a Sarria, que afectaría aos municipios de maior poboación, pero deixa fóra a zona de máis transito e de maior perigosidade. Ademais din desde o PSOE que para 2019 os populares só comprometen o 4% dos fondos necesarios para executar este proxecto parcial, pois no orzamento para o vindeiro ano figura 1 millón cando estas actuacións superan os 23 millóns, segundo dixo a Xunta.

Nesta situación os socialistas solicitan o desdobramento integral do corredor e piden a execución doutros proxectos que os populares non recollen nos orzamentos e que a veciñanza reclama, como a mellora da estrada LU-622 dende o quilómetro cero en Corvelle, no municipio de Sarria, ao 8, na inserción coa LU-621 en Láncara.

No concello de Láncara reclaman tamén novos accesos á Pobra de San Xiao desde a LU-546, actuacións que se consideran necesarias para o novo deseño urbanístico previsto neste Concello. A senda peonil e a rotonda na estrada LU-621 desde a Urbanización de Valdriz a Pobra de San Xiao é outra das demandas, asi como a rehabilitación e equipamento do Colexio Ramón Piñeiro na Pobra de San Xiao.

PSOE comarca de Sarria / PSOE provincial

Para Sarria demandan unha escola infantil ou gardería pública e que se amplíe a EDAR porque o actual sistema non ten capacidade suficiente e provoca verquidos ao río, coas conseguintes multas para o concello. No Incio piden a ampliación da LU-641, unha das vías do Incio cara Samos da que hai feitas as expropiacións pero nunca se fixo nada.

Solicítanse máis medios para colaborar cos Concellos no acondicionamento de estradas e accesos locais tras o último temporal e fondos para axudar aos veciños que tiveron perdas con este temporal. No concello de Paradela solicítase o arranxo e ampliación do local social de Vilaragunte, a construción dun local social na parroquia de Castro de Rei de Lemos, a rehabilitación estrutural e integral das antigas escolas de Paradela e a dotación dun parque infantil.

ÚLTIMAS

Puido haber unha ALTRI en Quiroga en 1976?

Dende finais de 1975, pouco despois da morte do Perenne, víñanse sucedendo novas na...

Fin de semana de descenso urbano de Sarria

O club ciclista DH Galicia, que ven organizando o evento desde 2012, ultima os...

Concurso de Enganches Concello de Chantada, este 21 de xullo

Chantada acolle o 21 deste mes de xullo o Concurso de Enganches Concello de...

Comeza a mellora da estrada LU-P-4202 que une Pacios e Currelos

A Deputación de Lugo vén de iniciar en Paradela os traballos da estrada provincial...