Un veciño de Paradela, traballador do Parque Industrial de Campiña, gañou 400.000 euros cun cupón do Sorteo Extraordinario de Nadal da ONCE. Segundo informa a organización, este lucense foi agraciado cun dos primeiros premios deste sorteo levado a cabo no mediodía deste mércores, día 1 de xaneiro, en Madrid.

O repartidor do ONCE encargado da zona, José María Rosende, explica que aínda que sabe a identidade concreta do agraciado, cre que se trata dun abonado ao que vendeu o cupón por máquina. Ademais, Rosende explica que, se acerta coas súas sospeitas sobre quen é o premiado, poríase “máis contento aínda”, porque é un pai de familia numerosa que adoita xogar sempre co mesmo número. Así a todo, o vendedor manifesta que “non hai mellor forma de empezar o ano”.

Ademais dos 400.000 euros para este lucense, o primeiro premio do Extra de Nadal do ONCE repartiu 8 millóns de euros en Cataluña, 5,2 millóns en Canarias, 4 millóns en Andalucía, 800.000 euros na Comunidade Valenciana, e outros 400.000 euros en Madrid.