O campo da festa de Samos acollerá a actuación na que o músico e compositor Xabier Díaz ofrecerá un repertorio que repasa os catro discos editados desde 2015, coa pandeireta como instrumento central e o acompañamento de Adufeiras de Salitre (The Tambourine Man, Noró, As Catedrais silenciadas e Axúdame a sentir, publicado a finais de 2024).
A alcaldesa de Samos,, Chus López destacou que “é unha oportunidade única para disfrutar en Samos dun concerto destas características, cun dos grandes referentes da nosa música tradicional” e convidou á veciñanza de Samos e da comarca a asistir a actuación, que será gratuíta.
O deputado Daniel García sinalou a importancia da colaboración institucional para “programar concertos de gran formato en concellos pequenos e facer que a puxanza que a música tradicional e da música en galego está acadando nos últimos anos a todos os públicos, alén dos circuítos de festivais e dos grandes eventos musicais”.
Con ciclos como “Polavilas no paraíso” a Vicepresidencia da Deputación impulsa a colaboración co tecido asociativo e cos concellos, cun duplo obxectivo, fomentar a presenza da música tradicional e dos artistas e bandas de música en galego en festivais, celebracións populares e programacións musicais e facilitar o acceso á música en directo en todo o territorio da provincia.
