HomePolíticaIncúmprese a normativa no Frei Luis de Granada en Sarria?

Incúmprese a normativa no Frei Luis de Granada en Sarria?

O BNG de Sarria denuncia que "a Xunta de Galicia reubicou parte do alumnado do Frei Luis de Granada en aulas que incumpren a normativa vixente". O voceiro nacionalista, Efrén Castro, detallou que "algúns dos espazos habilitados na Escola Fogar non cumpre co Real Decreto 132/2010, que regula os requisitos mínimos dos centros educativos e que establece que cada aula debe ter un mínimo de 1,5 metros cadrados por posto escolar".

Publicado o

- Advertisement -

Segundo o BNG de Sarria, os baños son compartidos e as condicións de accesibilidade do edificio, que a Consellería de Educación ofreceu como alternativa para continuar coas clases despois de que as familias se negasen a levar os seus fillos e fillas ao Frei Luis de Granada, conta con deficiencias estruturais que arrastra desde 2011.

A situación está “moi lonxe de volver á normalidade que anunciou a Xunta de Galiza. O goberno de Feijóo respondeu á mobilización dos pais cunha solución improvisada coa que non fai máis que dar un novo golpe ao ensino público en Sarria”, sinalou Efrén Castro.

O BNG de Sarria cuestionou no seu momento a reubicación na Escola Fogar e criticou “que se descartase a opción de levar aos nenos e nenas aos outros centros escolares da vila que si reúnen todos os requisitos, como se fixo no 2011″

A formación nacionalista tamén cuestionou o anunciado “plan de rehabilitación integral” anunciado pola Xunta de Galiza para o colexio público, apuntalado desde o 22 de xaneiro. “O único que sabemos ata agora dese proxecto é que actuarán sobre os voladizos, cando os informes da propia Consellería demostran que o deterioramento afecta a outras partes estruturais do edificio.

ÚLTIMAS

Os deputados do PP denuncian “trato discriminatorio” do Goberno de Sánchez coa veciñanza de Santo Estevo do Sil

Os deputados do PP lucense -Francisco Conde Jaime De Olano e Cristina Abades- trasladan...

Inscricións de novas viñas en suspenso en concellos que non teñan aprobada unha delimitación planimétrica

O pleno do Consello Regulador Ribeira Sacra reuniuse o pasado 10 de febreiro de...

A futura ‘Área Recreativa e Praia Fluvial de Monforte’ terá capacidade para acoller a unhas 20.000 persoas

O alcalde de Monforte de Lemos, José Tomé Roca, informou en rolda de prensa...

Estudantes do IES A Pinguela destacan na fase galega da Olimpiada de Xeoloxía

Corenta alumnas e alumnos de institutos da provincia de Lugo (IES Fontem Albei da...