O foco de Sarria ten xa 41 casos

Trátase de máis dunha trintena de casos vinculado a unha comida, e outro familiar máis pequeno.

Un sanitario protexido con luvas sostén unha mostra para realizar unha Análise PCR | Fonte: Europa Press

O municipio de Sarria concentra 41 casos de Covid-19 vinculados a dous brotes, un inicial con máis dunha trintena de casos vinculado a unha comida, e outro familiar máis pequeno.

Segundo informou este xoves o xerente da área sanitaria luguesa, Ramón Ares, o brote de Sarria iniciado xa hai uns días “segue acoutado” e “achegando novos casos”, posto que este mércores “incrementouse en cinco casos máis”, relacionados cos iniciais e “todos trazados” e pertencen ao mesmo grupo inicial.

“Ademais do brote principal, temos outro pequeno en Sarria nunha familia, de xente que se desprazou de fóra, e achegaron onte (mércores) outros tres máis”, comentou.

Ares puntualizou que se trata de “casos totalmente trazados”. “Temos este brote acoutado en fase de estabilización”, afirmou, para puntualizar que “pode aparecer algún caso máis, pero non da forma explosiva que da semana pasada”.

DEIXAR UN COMENTARIO

Please enter your comment!
Please enter your name here