HomeMedio ambiente e PatrimonioRematan 4 anos sen Ponte Ribeira en Sarria

Rematan 4 anos sen Ponte Ribeira en Sarria

Os traballos de acondicionamemto da ponte, consistentes no retranqueo dun piar e a reposición do taboleiro, teñen un orzamento de 450.000 euros e remataranse antes de que finalice o ano.

Publicado o

- Advertisement -

Desde a Deputación Provincial apuntan á anterior dirección da Confederación Miño-Sil como responsable de que a ponte leve 4 anos pechada, cos correspondentes perxuizos aos veciños que teñen que dar un grande rodeo para cruzar á outra marxe do río e para os peregrinos. Por Ponte Ribeira pasa o Camiño Francés e crúzana anualmente uns 200.000 peregrinos, que ven interferida a súa ruta desde hai 4 anos.

Lembra a alcaldesa de Sarria, Pilar López, que hai 3 anos chegárase a un acordo coa Confederación polo que se comprometía a aportar o 60% do importe da obra cando se aprobase e licitase o proxecto, pero nunca se chegou a cumprir. Anuncia a rexedora local que se reunirá co novo Presidente da Confederación para solicitalle a súa axuda e mentres tanto será o concello o que faga unha aportación de 300.000 euros para esta obra e que se axilicen as actuacións o  máis posible.

Neste proceso lembran desde o goberno da Deputación que o Partido Popular votou no Pleno Provincial, en abril do 2016, en contra de dotar orzamentariamente as obras de Ponte Ribeira.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...