HomesociedadeEducación afectivo-sexual nos centros de ensino de Sarria

Educación afectivo-sexual nos centros de ensino de Sarria

Este mes de novembro desenvolveuse un interesante programa educativo baixo o título de ‘Entérate’ no Concello de Sarria, concretamente nos colexios e nos IES da vila.

Publicado o

- Advertisement -

O programa de educación afectivo-sexual ENTÉRATE tivo como obxectivo actuar na promoción da igualdade entre mulleres e homes e na prevención e tratamento integral das violencias de xénero e estivo dirixido á poboación xuvenil. O enfoque que se lle deu á acción que se fixo cos centros educativos de Sarria púxose na publicidade, tendo en conta que unha das súas funcións é a sensibilización social a través de mensaxes que buscan un impacto no público para provocar unha reacción.

A partir desta premisa, as rapazas e os rapaces de Sarria tiveron que deseñar unha campaña publicitaria. Elaboraron produtos publicitarios en diferentes soportes para difundilos despois no concello coa finalidade de facer chegar a toda a poboación en xeral, e á mocidade en particular, unha mensaxe de sensibilización, prevención e identificación das violencias de xénero en xeral e das violencias sexuais en particular.

Os centros de ensino que participaron na acción foron: o CPR Plurilingüe Nosa Señora da Asunción, CPR La Merced, IES Xograr Afonso Gómez e IES Gregorio Fernández.

O programa constou de tres obradoiros de 100 minutos de duración cada un, que se iniciaron o pasado día 2 de novembro, e unha última sesión de difusión da cartelería e o  material elaborado polo alumnado, que se realizou o día 24 de novembro coincidindo con esta semana do 25N.

Cartel do programa

“Como o  ano pasado traballamos coas primeiras etapas educativas a través das emocións, este ano,  dirixímonos á xuventude, utilizando a publicidade como medio de intervención”, comenta Geni, concelleira da área de Muller, Igualdade e Integración.

Os organismos promotores do devandito programa de educación afectivo-sexual e de prevención das violencias de xénero foron o Ministerio de Sanidad, Servicios Sociales e Igualdad, a Secretaría Xeral da Igualdade –Consellería de Emprego e Igualdade– e o Concello de Sarria.

ÚLTIMAS

O 7 de xullo celébrase a I Festa Interxeracional Concello de Chantada

A Festa terá lugar o 7 de xullo no pavillón do colexio Eloisa Rivadulla....

Martín Alemparte, anterior xerente do GDR Ribeira Sacra-Courel, toma posesión como director da AGACAL

O acto desenvolveuse no complexo administrativo de San Caetano. Durante a celebración a conselleira...

Luisa Villalta segundo Olga Novo, este 31 de maio en Quiroga

A relatora será a profesora, escritora e tradutora da Pobra do Brollón, Olga Novo;...

Formación en cestaría para a Asociación As Cavarcas do Incio

Dende As Cavarcas destacan a importancia de que a institución provincial, a través da...