HomeComarca de SarriaSarriaSarria destina 6.050 euros para premios do Desfile de Entroido

Sarria destina 6.050 euros para premios do Desfile de Entroido

O concello vén de facer públicas as bases de participación no desfile de comparsas e carrozas do Entroido 2022 que será o domingo 6 de marzo.

Publicado o

POR
Redacción
- Advertisement -

Como é tradición, a saída do desfile (6 de marzo) farase no barrio da Estación ás 17:00 h. e ao remate do percorrido, ás 20:00 h. na Praza da Vila, terá lugar a entrega de premios tras deliberación do xurado. Este estará formado por representantes de diferentes asociacións e colectivos culturais de Sarria e o responsable da OMIX do Concello de Sarria, con voz e sen voto, certificará o cumprimento das bases.

No que respecta aos criterios a valorar polo xurado, a organización relaciona os seguintes: montaxe, elaboración, materiais empregados, orixinalidade, interese etnográfico, humor, posta en escena, simpatía e graza dos participantes e a utilización de música ao vivo.

Tamén se advirte que a organización e o xurado están facultados para excluír do desfile ou cambiar a orde do seu posto de calquera elemento da comparsa que se considere perigoso (animais, bengalas, petardos…) e todo co obxectivo de preservar a seguridade de participantes e público asistente.

MODALIDADES E CATEGORÍAS

Pódese participar baixo a modalidade de carroza (grupos de máis de 3 persoas con plataforma ou remolque que poda levar polo menos ao 50% do grupo), comparsa (grupos de máis de tres persoas que non sexan carroza, aínda que leven vehículo) e tamén en formato individual/parellas/tríos (participantes que non entren nas modalidades anteriores).

As modalidades devanditas aplicaranse tando á Categoría de Adultos como á Categoría de Infantil.

PREMIOS

ADULTOS CARROZAS

1º Premio: 600 €

2º Premio: 440 €

3º Premio 350 €

ADULTOS COMPARSA

1º Premio: 380 €

2º Premio: 320 €

3º Premio: 300 €

INFANTIL CARROZA

1º Premio: 400 €

2º Premio: 300 €

INFANTIL COMPARSA DE CENTROS EDUCATIVOS OU ASOC. DE SARRIA

1º Premio: 450 €

2º Premio: 360 €

3º Premio: 240 €

4º Premio: 180 €

INFANTIL COMPARSA

1º Premio: 260 €

2º Premio: 220 €

FÓRA DA COMARCA

1º Premio carroza: 350 €

2º Premio comparsa: 220 €

MELLOR DISFRAZ EN TRÍO ADULTOS / INFANTIL: 150 € / 150 €

MELLOR DISFRAZ EN PARELLA ADULTOS / INFANTIL: 100 € / 100 €

MELLOR DISFRAZ INDIVIDUAL ADULTOS / INFANTIL: 60 € / 60 €

ACCÉSIT. PREMIO AO PARTICIPANTE MÁIS ANIMADO: 60 €

Cómpre lembrar que os premios que superen os 300 € están suxeitos a retención do IRPF.

INSCRICIÓNS

O prazo para inscribirse remata o xoves 3 de marzo ás 12:00 h. e poderase facer enchendo o impreso correspondente –accesible na sede electrónica— e mediante rexistro virtual ou presencial no Concello e tamén a través do correo cultura@sarria.gal

Xunto co impreso haberá que achegar copia do DNI e certificado de titularidade da conta bancaria para facer efectivos os premios.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...