Os veciños da zona levaban solicitando a retirada do guindastre desde o 2014, xa que a obra á que daba servizo levaba paralizada 10 anos. Desde o equipo de goberno de Sarria aseguran que tentaron solucionar o tema desde que chegaron ao goberno. Daquela tentouse que a empresa construtora a retirase, pero dérase en quebra, buscouse unha maneira legal de requerilo, pero a grúa non estaba na parcela da obra, senon nunha finca veciña. Nesta situación requeriuse á propietaria da parcela que sinalou que tiña ao contratista denunciado por incumprimento do contrato, pero comprometeuse a retirala.

Neste momento aparece un novo inconvinte, a grúa contaba cun niño dunha parella de cegoñas. Soliticitouse permiso para a retirada a Conservación da Natureza da Xunta de Galicia, que á súa vez requeriulle ao Concello un informe do técnico municipal no que avalase a necesidade de ter que retirar o mencionado niño. Enviouse o informe á Consellería hai 3 semanas e concederon autorización para a retirada, polo que hoxe leváronse a cabo os labores necesarios para solucionar esta situación.