InicioComarca de SarriaSarriaFelipe VI visitará Sarria o vindeiro martes para promocionar o Xacobeo

Felipe VI visitará Sarria o vindeiro martes para promocionar o Xacobeo

O monarca chegará o vindeiro martes. Descoñécese aínda en que actos participará.

Publicado o

POR
Redacción
- Advertisement -

A localidade lucense de Sarria, en pleno Camiño Francés, prepárase para recibir o vindeiro martes a visita do rei Felipe VI, que se desprazará a Galicia con motivo do Ano Santo para mostrar o seu apoio á difusión da ruta xacobea. A chegada do Rei Felipe VI coincide coas sospeitas de que o Rei Emérito podería desprazarse tamén á Comunidade nos vindeiros días. Con todo, Felipe VI non tería previsto parar por Sanxenxo, onde se presupón a estadía do Emérito, cando menos non en viaxe oficial.

O delegado do Goberno en Galicia, José Miñones, confirmou que este venres se celebrará unha reunión para planificar e desenvolver o dispositivo de seguridade que se activará con motivo desta visita. Polo momento non transcenderon os actos que o Rei protagonizará en Sarria, aínda que si se deu aviso ás autoridades municipais e axentes das forzas de seguridade de que está previsto que o martes 26 de abril estea en Sarria para apoiar a difusión do Camiño de Santiago na recta final deste ano Santo bianual.

Así mesmo, está previsto que estea acompañado en Galicia doutras autoridades a nivel estatal, como o ministro do Interior, Fernando Grande-Marlaska. Sarria é un dos puntos máis importantes do Camiño de Santiago francés, o que percorre un maior número de peregrinos e o que conta cunha maior tradición histórica. De feito, esta localidade lucense é da que parten a maior parte dos camiñantes, xa que marca o límite dos 100 quilómetros esixidos para obter a compostela.

A preguntas dos medios, o delegado do Goberno lembrou que a Casa Real está “moi activa e presente en Galicia”, con “creo que lembrar, 11 visitas” desde que el asumiu o cargo. Neste sentido, destacou que a da próxima semana “non será a última”, xa que está previsto que o Rei volva a Galicia a finais do mes de maio para un acto na cidade de Vigo.

Please wait while you are redirected...or Click Here if you do not want to wait.

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...