InicioCultura‘Camiños e Cantares nos eidos da bremanza’, o 1 de outubro en...

‘Camiños e Cantares nos eidos da bremanza’, o 1 de outubro en Sarria

O acto está organizado pola Asociación de Periodistas e Estudosos do Camiño de Santiago (APECSA), e conta co apoio do Xacobeo 21-22. Unha lembranza a Fiz Vergara Vilariño e á viaxe de Álvaro Cunqueiro do Cebreiro a Compostela.

Publicado o

POR
Redacción
- Advertisement -

Este sábado 1 de outubro, a partir das 12:00 horas, celebrarase na sociedade A Unión de Sarria a cuarta xornada do programa “Camiños e Cantares nos eidos da Bremanza: Unha Peregrinación Literaria, cantada e falada”, organizado pola Asociación de Periodistas e Estudosos do Camiño de Santiago (APECSA), co apoio do Xacobeo 21-22, en conmemoración do 25 aniversario do pasamento do poeta, Fiz Vergara Vilariño (Santalla de Lóuzara, 15/4/1953 – 18/7/1997) e 60 aniversario da viaxe do periodista e escritor Álvaro Cunqueiro, do Cebreiro a Santiago de Compostela.

A apertura do acto contará coa presenza de Claudio Garrido, Alcalde do Concello de Sarria; Reyes Abella, concelleira de Cultura; José Quiñoa, pesidente da Unión de Sarria; María Casar, presidenta da asociación Ergueitas; Ana Belén Fernández, presidenta da asociación Meigas e Trasgos; Xosé María García, presidente da APECSA; e un representante do Xacobeo 21-22. E a continuación, cara as 12:20 h. Xesús Alonso Montero dará unha conferencia baixo o título “O poeta Fiz Vergara Vilariño”.

Ás 12:50 h. terá lugar un recital poético co protagonismo do alumnado de centros de ensino de Sarria e dos gañadores/as do ‘Premio de poesía Fiz Vergara Vilariño’ convocado polo Concello de Sarria en colaboracion coa asociación cultural Ergueitas.

O remate ao acto poñerao o Coro Sarricanta interpretando unha obra musical baseada no poema “Que lonxe estás, amiga!” de Fiz Vergara Vilariño. Os arranzos desta peza correron a cargo dun amigo do senlleiro poeta, Cosme Pombo, gaiteiro das terras do Incio.

ÚLTIMAS

“Outlet de Inverno” en Sarria, os día 1 e 2 de marzo

Durante eses días, preto dunha trintena de establecementos de ACES participarán nunha campaña de...

Cales son as prioridades do orzamento do novo goberno para Quiroga?

No caso do servizo municipal de auga, co inicio das choivas de outono a...

Máis de 200 persoas inscritas para a carreira Xacorun Sarria que se celebra o 3 de marzo

A Xunta apoia un ano máis a iniciativa Xacorun, unha carreira entre Sarria, Paradela...

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...