O Concello de Sarria puxo en coñecemento da veciñanza que o vindeiro día 9 de decembro comeza o prazo para solicitar a bonificación do 90% do IBI, para os terrenos e parcelas que estean dentro das delimitacións dos  Núcleos  Rurais,  de cara ao exercicio fiscal 2023.

Así mesmo, infórmase que este prazo de presentación das solicitudes rematará o 31 de decembro de 2022. Diante deste breve prazo que se establece, o concello recomenda que os interesados e as interesadas preparen toda a documentación requirida con antelación dabondo para evitar problemas de presentación.

O impreso de solicitude e outra documetación poderá obterse nas oficinas do concello mentres que o impreso pode descargarse tamén na sede electrónica.